ફરાદી મોટા આશાપુરા માતાજીના મંદિરની સંક્ષિપ્ત માહિતી ઐતિહાસિક તથ્યો અને સાક્ષ્યો સાથે...

મોટા આશાપુરા મંદિર

ફરાદી-કચ્છ

અદ્ભુત અવિસ્મરણીય અગોચર

Faradi Jagir Trust

મંદિર નિર્માણ થી લઈ હાલ સુધી સંક્ષિપ્ત માહિતી.⬇️

લોકવાયકા મુજબ દેશળજી બાવાને માતાજી સ્વપ્નમાં આવી મંદિર બનાવવાનો આદેશ આપે છે. જેથી પ્રેરિત થઈને સ્વપ્નમાં મળેલ એંધાણી પર શોધખોળ કરતાં માતાજીની પથ્થરની સ્વયંભૂ મૂર્તિ મળે છે.

ત્યાં મહારાવ દેશી નળિયા વાળું મંદિર બનાવડાવે છે.

તેઓ જ્યારે ભુજ પહોંચે છે તો રાજમહેલમાં કાટમાળ જોવા મળે છે.

બીજા દિવસે ફરી માતાજી તેમને હુકમ કરે છે કે તેઓ નાની રુદ્રાણી જેવું શિખરબંધ મંદિર બનાવવામાં આવે. તે માટેનો પથ્થર માતા વારી ખાણનો વાપરવામાં આવે.

ત્યારબાદ બનેલ મંદિર તદ્દન નાની રુદ્રાણી મંદિર જેવું શિખરબંધ હતું.

જે આજે પણ જોઈ શકાય છે.

મુળ મંદિર માળખાને જાળવીને તેને રીનોવેશન કરવામાં આવેલ છે.

મંદિર બાબતે ઐતિહાસિક સાક્ષ્ય.⬇️

મહારાવ દેશળજી બીજા દ્વારા માંડવી - ભુજને જોડતા રાજમાર્ગ પર ખારી નદી અને મીઠી નદીની વચ્ચેના ભાગમાં આસો સુદ 15, સંવત 1915ના રોજ માં આશાપુરાનું મંદિર બંધાવાની ઈચ્છા હતી.

તેનો ખત માંડવી વહીવટદાર મારફતે ફરાદી જાગીરદાર ટીલાટ જીહાજીને મંદિર બાંધકામ બાબતે ગાડા વગેરેની વ્યવસ્થા કરવાનું જણાવેલ છે.

જે બાબતનો ખત સામેલ કરેલ છે.

મહારાવ દેશળજી બીજા મંદિર બનાવવા માંગે છે તે બાબતનો ખત ઓરીજનલ ખત સં. 1915

આ મંદિર બની ગયા બાદ કચ્છ રાજ તરફથી મંદિરનું નિર્માણ થયું હતું તેથી તે કચ્છીમાં વડી જગ્યા કહેવાણી.

પાછળથી તે મોટી માતા તરીકે લોકજીભે પ્રચલિત બન્યું.

કારણ કે એક આશાપુરામાંનું મંદિર ત્યારે ફરાદીમાં હયાત હતું જે નંઢી જગ્યા ને કાળક્રમે નાની માતા કહેવાયું.

નાની માતા મંદિર (નાના આશાપુરા મંદિર ફરાદી કચ્છ)

બંને મંદિરો અદ્ભુત સૌંદર્ય, પ્રકૃતિના સાનિધ્યમાં, મનને શાંતિ અને પ્રફુલ્લિત કરતી જગ્યાઓ પર છે.

બંનેની વિશેષતા એ છે કે તેના ચાચરની માટી એકદમ મંગળની સપાટી જેવી લાલ જોવા મળે છે.

જે તેના પેટાળમાં ધરબાયેલા ખનીજોના પ્રતાપે દિવ્ય રુપ ધારણ કરે છે.

ચોમાસામાં નાની માતાની ઝાડીની હરીયાલી અને મોટી માતા પાસે આવેલ ફરાદી નાની સિંચાઈ યોજનાના ડેમને કારણે અદ્ભુત નજારો જોવા મળે છે.

ત્યાં આસપાસ નસીબ સારા હોય તો દુર્લભ પ્રજાતિના કાચબા, વૈજુ, ચિબરી, ઘુવડ જોવા મળી શકે છે.શિયાળ, સસલાં, લોંકડી, રોઝ(નિલગાય) વગેરે તો ખરું જ.

આ જીવો જો દેખાય તો તેને હેરાન ના કરતા તેને તેની મસ્ત અવસ્થામાં જીવવા દઈએ.

કાચબા ઘરે લઈ જઈ તેને પાળવા તે વાઈલ્ડ લાઈફ એક્ટ 1972 હેઠળ કાનૂનન અપરાધ છે જેથી એવી ભૂલ નો કરવી.

આ ઉપરાંત વનસ્પતિમાં ગુગળ, ખેર, (પીલું) ખારી જાર, મીઠી જાર, ગાંગડી, લોયા, સાચી પત્રીવિધીના છોડ, શતાવરીની વેલ, મુંઢેરી(બહુફળી), નાની-મોટી ગોખરું અને અન્ય ઘણું.

ફરાદી જવાં માટે

ભુજથી બસ સવારે 7:00 વાગ્યા આસપાસ ઉપડે છે જે ફરાદી પહોંચાડે છે. જે 50 કીમી છે.

ભુજથી વાયા કોડાયપુલ - બિદડા થઈને ફરાદી પહોંચી શકાય છે.

ગાંધીધામ - માંડવી હાઈવે પર નાની ખાખરથી ફરાદી જવાનો માર્ગ છે.

ઉપરાંત બિદડા તરફ જતા રામદેવપીર વારો ગેટ દેખાશે ત્યા પાટીયાથી 5 કીમી છે.

ગામમાં અન્ય પણ ઘણાં ઐતિહાસિક અને ધાર્મિક સ્થળો છે.

ઉપરાંત મીરાપાર્ક બગીચો છે જેમાં નિલકંઠ મહાદેવની ~32ફુટ ઉંચી મૂર્તિ છે.

રામદેવપીરના પગલાં મંદિર અને તેમની હયાતીમાં આવેલ તેનાં ઘણાં સાક્ષ્યો આજે પણ મોજૂદ છે.

ગામમાં મંદિર, જૈન દહેરાસર, મસ્જિદનો ત્રિવેણી સંગમ જોવા મળશે.

વધુ વિગતો માટે મુલાકાત કરો.⬇️

https://faradijagir.blogspot.com

Photo courtesy :